【Mami Wailo】

【Mami Wailo】

(讀者來稿)

各位媽媽大家好，我想同大家分享我同奶奶照顧小朋友嘅價值觀分歧，希望大家可以俾意見我。我同老公結婚7年，有一個仔已經6歲，我哋一家三口同奶奶一齊住，平時主要都係我負責家務，最近開始教小朋友做家務，都係幫手摺下衫，自己食完嘅碗筷要自己放返入廚房，係一啲佢年紀可以做到嘅野。但係奶奶唔只一次比說話我聽，話「個孫真係好慘，咁細個就要佢幫你做家務」，佢呢番說話我聽完好唔開心，一嚟佢講到家務係小朋友幫我做，好似家務一定係我嘅責任，二嚟佢喺小朋友面前咁講就做哂好人，小朋友唔識可能都會覺得媽咪做法係唔啱。

我嘅出發點係想透過家務教識小朋友獨立自理，唔想佢比人寵壞大個乜都唔識，而且佢有份一齊參與家務會更加識感恩，奶奶就覺得個孫咁細個大人照顧好佢就得。經過呢次分歧我覺得係教育方面應該訂立一套準則比奶奶去跟，但係佢始終係長輩仲係好傳統思想個種，我應該點樣同佢表達我嘅睇法？

#Mami Wailo

#天機

#HKWisdom