【狂歡倒數，迎接2023】

大家就快同2022年講再見啦，隨著疫情緩和，當然唔可以錯過外出倒數機會！雖然今年仍然係無煙花匯禮，但仍然有好多不同類型的倒數活動！如果未有頭緒，就不妨參考筆者以下提供既「四大好去處」：

1) 天際100跨年倒數派對

天際100於今年的跨年倒數派對 (2022年12月31日) 將特別邀請唱片騎師DJ到場打碟，炒熱氣氛並與大家一起倒數，共同迎接新年！除夕夜站在海拔393米高的香港天際100觀景台俯瞰香港全景，居高臨下欣賞港九新界離島景致，盡情細看360度壯麗天際線，感受維多利亞港與九龍半島的繁榮氣息！透過互動多媒體展覽，探究香港各種風貌變遷、傳統手藝及風俗儀式等文化演變。在高空中坐擁美景的同時一邊品嚐Café 100的美食盛宴，享受其休閒舒適氛圍。狂歡倒數，一齊迎接2023!!

2) 香港跨年倒數演唱會@西九文化區

今年香港旅發局舉辦「香港跨年倒數演唱會」喺西九文化區舉行。當中表演嘉賓更邀請咗MIRROR、許廷鏗、馮允謙、鄭欣宜等，另外，香港管弦樂團亦會表演。而活動早前已透過抽獎形式公佈結果，幸運兒當然要到現場感受氣氛喇，而抽唔中門票既大家亦可以在當晚於電視收看直播。舒舒服服在家中迎接2023!!

3) 利東街

今年利東街搖身一變，變成一個大型復古經典Disco！ 7米大嘅Disco Ball，由超過2000塊鏡面組成，延續聖誕嘅節日氣氛。巨型Disco Ball配上舞台專業嘅閃耀燈效，各色燈光反射定必震撼全場！位置仲要非常方便，係灣仔站利東街出口，一出就到。倒數前仲可以係利東街食飯行街，絕對係唔錯選擇。

4) 維港海傍迎2023

每年旅發局都會舉辦跨年倒數活動，雖然過去3年因疫情而停辦煙花匯演，改為加強版「幻彩詠香江」，但消息話今年可能會有多媒體效果嘅特別匯演。相信係以射燈、激光、LED屏幕圖案同埋燈光效果照亮維港兩岸，相信係海傍附近倒數，一定好有氣氛！想要有靚位可以影相同倒數，就要早少少去霸定靚位喇。小編個人認為尖沙咀近文化中心海傍個位就最好。